paksahafat پاک صحافت
Related Articles
لاہور (پاک صحافت) پاکستان مسلم لیگ ن کے سینئر نائب صدر اور سابق وزیر اعظم شاہ خاقان عباسی نے الیکٹرک ووٹنگ مشین سے متعلق بیان میں کہا ہے کہ حکومت الیکشن کمیشن پر قبضہ کر کے دھاندلی کرنا چاہتی ہے، حکومت کی کوشش ہے کہ انتخابات کو متنازع بنایا جائے۔
تفصیلات کے مطابق سابق وزیر اعظم شاہد خاقان عباسی نے پریس کانفرنس کرتے ہوئے کہا کہ حکومت اور وزراء سے گزارش ہے کہ آئین کی شق 218-219 کو پڑھ لیں، 80 فیصد دھاندلی انتخابات سے قبل ہوتی ہے۔ انہوں نے وزیر اعظم عمران خان کو آڑے ہاتھوں لیتے ہوئے کہا کہ عمران خان جب بھی تقریر کرتے ہیں یا تو وہ الزام لگاتے ہیں یا دھمکیاں دیتے ہیں، حکومت کو معلوم ہو گیا ہے کہ وہ دھاندلی کے بغیر الیکشن نہیں جیت سکتی۔
واضح رہے کہ سابق وزیرِ اعظم شاہد خاقان عباسی نے یہ بھی کہا کہ الیکشن کا نظام بدلنے کا حق آئینی ترمیم کے ذریعے حاصل ہو سکتا ہے۔ انہوں نے کہا کہ الیکشن میں ووٹرز فہرستیں الیکشن کمیشن کی ملکیت ہیں، عوام کی رائے کا احترام کیا جائے تو کوئی مسئلہ نہیں، ووٹ کو عزت نہیں دیں گے تو ملک آگے نہیں جائے گا۔
