paksahafat پاک صحافت
Related Articles
کراچی (پاک صحافت) اس سال سندھ سے پاکستانی زائرین کو بذریعہ بس اور اپنی گاڑیوں میں ایران جانےکی اجازت دینے پر اتفاق ہوا ہے۔
تفصیلات کے مطابق وزیر اعلی سندھ سید مراد علی شاہ سے ایران کے قونصل جنرل حسن نورین نے ملاقات کی ہے۔ ملاقات میں وزیر اعلی سندھ کا کہنا تھا کہ سندھ تا ایران بذریعہ سڑک سفر کرنے سے دوطرفہ سیاحت میں اضافہ ہوگا۔ایران کے قونصل جنرل حسن نورین کی سربراہی میں 4 رکنی وفد کی ملاقات ہوئی۔
ترجمان وزیر اعلی سندھ کے مطابق ملاقات میں صحت اور ٹرانسپورٹ سیکٹر میں مل کر کام کرنے اور تھیلیسیما، امراض قلب اور دیگر امراض کے سندھ میں ماہرین کا ایران کے ساتھ مل کر کام کرنے پر اتفاق ہوا۔ وزیر اعلی سندھ کا اس موقع پر کہنا تھا کہ سندھ کے طبی ماہرین ایران کے ساتھ مل کر کام کریں گے۔
اس کے علاوہ ملاقات میں اس سال سندھ سے ایران زائرین کو بسوں اور اپنی گاڑیوں میں جانے کی اجازت دینے پر وزیراعلی سید مراد علی شاہ اور ایرانی قونصل جنرل کا اتفاق ہوا۔ وزیر اعلی سندھ کا کہنا تھا کہ یہ بسیں اور گاڑیاں کراچی سے چابہار بذریعہ سڑک سے جائیں گی۔ انہوں نے کہا کہ وزیر خارجہ سے درخواست کریں گے کہ کراچی تا چابہار راستہ کھولنے کیلئے بات کریں۔
