paksahafat پاک صحافت
Related Articles
اسلام آباد (پاک صحافت) وزیر داخلہ رانا ثناءاللہ نے پرویز الہی کو گرفتار کرنے کے احکامات جاری کردئے ہیں۔
تفصیلات کے مطابق وفاقی وزیر داخلہ رانا ثنااللہ نے پرویز الہی کی مبینہ آڈیوز کو ملک کی اعلی عدلیہ پر اثر انداز ہونے کی کوشش قرار دیتے ہوئے ایف آئی اے کو حکم دیا کہ پرویز الہی کی آڈیو کا فرانزک کرکے گرفتار کیا جائے۔ انہوں نے چیف جسٹس آف پاکستان سے بھی معاملے کا نوٹس لینے کا مطالبہ کیا ہے۔
وفاقی وزیر داخلہ رانا ثناءاللہ کا مزید کہنا تھا کہ آڈیو میں پرویز الہی محمد خاں بھٹی کا کیس مخصوص جج کے پاس لگوانے کی کوشش کررہے ہیں، عمران خان اور ان کے حواریوں نے نظام عدل کو مذاق بنا دیا ہے، ان کے خلاف سخت کارروائی ہونے چاہئے۔ انہوں نے کہا کہ اس سے قبل بھی شوکت ترین کی جو آڈیوز لیک ہوئی تھیں اس میں وہ ملک کو ڈیفالٹ کرانے کی کوشش کررہے تھے۔
Short Link
Copied
