کراچی (پا ک صحافت) وزیر اطلاعات سندھ و پاکستان پیپلز پارٹی کے رہنما سید ناصر حسین شاہ نے تاجر برادری کو بڑی خوشخبری سنادی، ناصر حسین شاہ کا کہنا ہے کہ پیر تک تاجروں کے اکثر مسائل حل کر دیئے جائیں گے۔ ان کا یہ بھی کہنا ہے تاجروں کو آٹھ بجے تک کاروبار بند کرنے سے متعلق فیصلہ پیر تک مؤخر کرنے کا کہا ہے۔
تفصیلات کے مطابق وزیر اطلاعات سندھ سید ناصر حسین شاہ نے کمشنر ہاوس میں تاجروں سے خصوصی ملاقات کی، جس کے بعد میڈیا سے گفتگو کرتے ہوئے انہوں نے کہا کہ پیر تک تاجروں کےاکثر مطالبات پورے اور مسئلے حل کریں گے۔
واضح رہے کہ میڈیا سے گفتگو کرتے ہوئے وزیر اطلاعات سندھ کا مزید کہنا تھا کہ پولیس اور انتظامیہ کے رویے کی شکایات کی ہیں، تاجروں کی شکایات پر ایس ایچ او سعود آباد کو معطل کیا ہے۔ناصر حسین شاہ نے مزید کہا کہ تاجروں کی شکایت پر مزید کارروائی کی جائے گی۔