paksahafat پاک صحافت
Related Articles
اسلام آباد (پاک صحافت) وزیراعظم شہباز شریف نے معاشی ٹیم کو ٹیکس نیٹ وسیع اور ریٹیلرز کی رجسٹریشن مکمل کرنے کی ہدایت کردی۔ وزیراعظم کی زیر صدارت فیڈرل بورڈ آف ریونیو (ایف بی آر) ٹیکس نیٹ کو وسیع اور ریٹیلرز اسکیم پر اجلاس ہوا، جس میں آئی ایم ایف کے ساتھ نئے قرض پروگرام سے قبل ٹیکس نیٹ وسیع کرنے کے اقدامات پر عملدرآمد سے متعلق گفتگو ہوئی۔
ذرائع پی ایم آفس کا کہنا ہے کہ وزیر خزانہ محمد اورنگزیب، سیکریٹری خزانہ، ایف بی آر حکام نے وزیراعظم کو بریفنگ دی، وزیر خزانہ نے وزیراعظم کو ریٹیلرز کیلئے لانچ کی گئی اسکیم کے خدوخال سے آگاہ کیا۔ریٹیلرز اور ہول سیلرز کی رجسٹریشن میں کراچی، لاہور، اسلام آباد، راولپنڈی، کوئٹہ، پشاور شامل ہیں. اسٹورز، دکانیں، ویئر ہاوسز، کاروباری دفاتر اسکیم کے تحت رجسٹریشن کروانے کے پابند ہوں گے۔
بریفنگ میں بتایا گیا کہ ریٹیلرز اور ہول سیلرز کی رجسٹریشن کرکے ایڈوانس انکم ٹیکس وصول کیا جائے گا، تاجر دوست ایپ کے ذریعے تاجروں اور دوکانداروں کا سینٹرل ڈیٹا بیس تیار کیا جائے گا۔
