paksahafat پاک صحافت
Related Articles
اسلام آباد (پاک صحافت) شیری رحمان کا کہنا ہے کہ پی ٹی آئی کی نااہل و نالائق حکومت کے خلاف باہر آنے کا وقت آچکا ہے۔ عوام مزید ظلم و جبر سہنے کی طاقت نہیں رکھتے۔
تفصیلات کے مطابق پیپلزپارٹی کی نائب صدر شیری رحمان نے کہا ہے کہ اطلاعات ہیں کہ مارچ میں آنے والے 2 ایل این جی کارگو منسوخ ہو گئے ہیں، اس کا مطلب ہے کہ حکومت کی نااہلی کی وجہ سے اس سال بھی گرمیوں میں گیس کا بحران جاری رہے گا۔ یہ واحد حکومت ہے جس کی وجہ سے صارفین اور صنعتوں کو گرمیوں میں بھی گیس کی لوڈشیڈنگ کا سامنا کرنا پڑتا ہے۔
شیری رحمان کا مزید کہنا ہے کہ سردیوں کے بعد اب گرمیاں بھی گیس کے بغیر گزرے گی، سندھ کو پہلے ہی 15فیصد گیس کم دی جا رہی ہے۔ قلت پوری کرنے کے لئے سندھ کے حصے کی گیس فراہمی کم کی جا رہی ہے جو آئین کی خلاف ورزی ہے، ان کے پیدا کردہ بحران ملک کو اندھیروں میں لے جائیں گے، اس نااہل حکومت کے خلاف باہر آنے کا وقت آچکا ہے۔
