paksahafat پاک صحافت
Related Articles
لاہور (پاک صحافت) شہباز شریف کا کہنا ہے کہ پی ٹی آئی حکومت نے قوم کو ریلیف کے بجائے صرف تکلیف ہی دی ہے۔ آئے روز بڑھتی ہوئی مہنگائی نے عوام کا جینا مشکل کردیا ہے۔
تفصیلات کے مطابق مسلم لیگ ن کے صدر اور قومی اسمبلی میں اپوزیشن لیڈر شہباز شریف نے دن بدن بڑھتی ہوئی مہنگائی پر تشویش کا اظہار کرتے ہوئے کہا ہے کہ ایک ہفتے میں کھانے پینے اور روز مرہ کی 24 اشیا کی قیمتوں میں 23 فیصد اضافہ عوام سے ظلم، زیادتی اور بدترین استحصال ہے۔
شہباز شریف کا مزید کہنا ہے کہ 20 کلو آٹا 58 روپے مہنگا ہونے کا مطلب ہے کہ ملک میں حکومت نام کی کوئی چیز موجود نہیں۔ گھی کی قیمت گزشتہ سال کے مقابلے میں 41 فیصد، کوکنگ آئل 37، چکن 39 فیصد مہنگا ہونا ظلم کی بدترین شکل ہے۔ انہوں نے کہا کہ یہ ظلم کی حکومت ہے جو چل نہیں سکتی، جس حکومت میں غریب کا چولہا نہ جلے، وہ نہیں چل سکتی۔
Short Link
Copied
