paksahafat پاک صحافت
Related Articles
پاک صحافت حزب اللہ نے غزہ کی حمایت میں صیہونیوں کے خلاف حملے جاری رکھے ہوئے ہیں۔
لبنان کی اسلامی مزاحمتی تحریک حزب اللہ کا کہنا ہے کہ اگر ناجائز صیہونی حکومت نے اپنے حملوں کو وسعت دی تو ہمارا ردعمل بھی بہت وسیع ہوگا۔
اناشارہ ویب سائٹ کے مطابق حزب اللہ کے ڈپٹی سیکرٹری جنرل شیخ نعیم قاسم نے کہا کہ صیہونیوں کے خلاف حزب اللہ کی جنگ غزہ کی جنگ سے جڑی ہوئی ہے۔ انہوں نے کہا کہ جنوبی لبنان کے محاذ پر جنگ کے پھیلاؤ کا تعلق اسرائیل کی سرگرمیوں سے ہے۔ اگر صیہونی حکومت نے جنگ کو وسعت دی تو ہمارا ردعمل دوگنا ہو گا۔
حزب اللہ کے سربراہ کا کہنا ہے کہ اسرائیل، امریکہ اور ان کے حامیوں کی وارننگ کا ہم پر کوئی اثر نہیں ہوا۔ انہوں نے کہا کہ ہم صیہونیوں اور ان کے حامیوں کو یادگار جواب دیں گے۔ حزب اللہ نے کہا کہ ہم صہیونیوں کی خالی خولی دھمکیوں سے ڈرنے والے نہیں ہیں۔ انہوں نے کہا کہ ہم نے صیہونیوں کے اقدامات کو محدود کرنے کے مقصد سے مناسب وقت پر اپنی کارروائیاں شروع کی تھیں۔
قابل ذکر ہے کہ جب سے صیہونیوں نے غزہ پر حملے شروع کیے ہیں، لبنان کی تحریک حزب اللہ نے بھی صیہونیوں کے خلاف اپنی کارروائیاں شروع کر دی ہیں، جو تاحال جاری ہیں۔ ناجائز صیہونی حکومت حزب اللہ کے اقدامات سے سخت خوفزدہ ہے۔
