paksahafat پاک صحافت
Related Articles
اسلام آباد (پاک صحافت) گزشتہ کئی روز سے ملک بھر کے مختلف علاقوں میں شدید بارشوں کا سلسلہ جاری ہے۔ جس کے نتیجے میں متعدد علاقوں میں سیلاب نے تباہی مچائی ہے۔
تفصیلات کے مطابق گلگت بلتستان اور خیبرپختونخواہ میں گزشتہ چار دنوں سے بارش کا سلسلہ جاری ہے۔ جس کے نتیجے میں گلگت بلتستان کو ملک سے ملانے والے شاہراہ قراقرم متعدد مقامات پر لینڈ سلائیڈنگ کے باعث بلاک ہوگئی ہے اور گلگت بلتستان کا ملک سے زمینی رابطہ منقطع ہوگیا ہے۔
دوسری جانب خیبر پختونخواہ میں 4 روز میں ہونے والی بارشوں سے اور سیلاب سے 14 افراد جاں بحق اور 26 زخمی ہوئے ہیں۔ صوبے میں بارشوں سے 21 گھروں کو جزوی نقصان پہنچا، جبکہ 4 گھروں کو مکمل نقصان ہوا۔ متعلقہ اداروں کی جانب سے سیلاب سے متاثر علاقوں میں امدادی کارروائیوں کا سلسلہ جاری ہے۔
Short Link
Copied
