paksahafat پاک صحافت
Related Articles
قصور (پاک صحافت) ملک احمد خان کا کہنا ہے کہ عمران خان نے جنرل (ر) باجوہ کے پاؤں پکڑ کر این آر او لیا ہے۔
تفصیلات کے مطابق مسلم لیگ ن کے رہنما ملک احمد خان نے پریس کانفرنس سے خطاب کرتے ہوئے کہا ہے کہ سائفر کی جھوٹی کہانی کے ناکام ہونے کے بعد عمران خان نے جنرل (ر) باجوہ کو پنچنگ بیگ بنا لیا، عمران خان الزام عائد کرتے ہیں کہ ہمیں این آر او دیا گیا، اگر جنرل (ر) باجوہ کی جانب سے کسی کو این آر او دیا گیا ہے تو وہ خود عمران خان ہیں، ہمارے پاس ثبوت موجود ہیں کہ عمران خان نے ان کے پاؤں پکڑ کر این آر او لیا۔
ملک احمد خان کا مزید کہنا تھا کہ پی ٹی آئی کے اپنے لوگ عمران خان کی پالیسیوں سے تنگ آکر ان کے خلاف ہیں، عمران خان بے نقاب ہونے پر اب نیا پراپیگنڈا کررہے ہیں۔ انہوں نے کہا کہ عمران خان نے آئی ایم ایف کے ساتھ معاہدوں پر خلاف ورزی کی، عمران خان نے مدد نہ کرنے پر اسٹیبلشمنٹ کو غداری کا طعنہ دینا شروع کردیا۔
