کراچی (پاک صحافت) صوبائی وزیر ٹرانسپورٹ سندھ نے وفاق سے مطالبہ کیا ہے کہ وہ سی این جی کی قیمتوں کو فورا واپس لے۔ تاکہ اس سے بڑھنے والی مہنگائی کو روکا جاسکے۔
تفصیلات کے مطابق وزیر ٹرانسپورٹ سندھ قادر شاہ نے ایک بیان جاری کرتے ہوئے کہا ہے کہ گیس کی بندش کا ڈرامہ اس کی قیمتیں بڑھانے کے لیے کیا گیا تھا۔ پہلے گیس کی فراہمی معطل کی گئی پھر صوبہ سندھ میں سی این جی 17 روپے مہنگی کر دی گئی۔
وزیر ٹرانسپورٹ سندھ قادر شاہ کا مزید کہنا ہے کہ دیگر چیزوں کی طرح سی این جی پر بھی وفاق سبسڈی دے۔ سی این جی کی قیمتوں میں کئے گئے اس اضافے سے کیا کرائے اور مہنگائی میں اضافہ نہیں ہو گا؟
Short Link
Copied