paksahafat پاک صحافت
Related Articles
اسلام آباد (پاک صحافت) مولانا فضل الرحمن کا کہنا ہے کہ صدر کو انتخابات کی تاریخ دینے کا کوئی اختیار نہیں ہے۔
تفصیلات کے مطابق سربراہ پاکستان ڈیموکریٹک موومنٹ (پی ڈی ایم) مولانا فضل الرحمان نے میڈیا سے گفتگو کرتے ہوئے کہا ہے کہ کافی دنوں سے سن رہے تھے صدر کچھ احکامات صادر کرنے جا رہے ہیں۔ صدر عارف علوی جانب دار صدر ہیں، وہ پاکستان تحریک انصاف (پی ٹی آئی) اور اس کے چیئرمین کی نمائندگی کر رہے ہیں۔
مولانا فضل الرحمن کا مزید کہنا تھا کہ الیکشن کمیشن کو کام کرنے دیں یا پھر ختم کردیں۔ صدر نے ایسی عدالت سے رجوع کا مشورہ دیا جو جانب دار ہے۔ عارف علوی نے خوامخواہ بھونچال پیدا کرنے کی کوشش کی، عبوری صدر کی لاحاصل مشق سیاسی، انتخابی نظام میں مداخلت ہے۔
انہوں نے کہا کہ نواز شریف کا اپنا ملک ہے، واپس آتے ہیں تو خوش آمدید کہیں گے۔ نواز شریف کو برے طریقے سے نکال کر ترقی کا سفر روکا گیا۔ جب الیکشن کمیشن فیصلہ کرے گا تو ہم میدان میں ہوں گے، انتخابات سے بھاگ نہیں رہے۔
