paksahafat پاک صحافت
Related Articles
کراچی (پاک صحافت) بلاول بھٹو کا کہنا ہے کہ پی ٹی آئی حکومت عوام کے بجائے اشرافیہ کی خدمت میں مصروف عمل ہے۔ عوامی مسائل پر توجہ دینے کے بجائے امیروں اور اقرباء پر توجہ دی جارہی ہے۔
تفصیلات کے مطابق پیپلزپارٹی کے چیئرمین بلاول بھٹو زرداری نے ایک بیان جاری کرتے ہوئے کہا ہے کہ وفاقی حکومت اشرافیہ کی آشیرباد حاصل کرنے کے لئے قومی وسائل خرچ کررہی ہے جبکہ عوام کو درپیش مسائل کا کوئی پرسان حال نہیں ہے۔ وفاقی حکومت کی صحت سمیت دیگر تمام پالیسیاں صرف اشرافیہ کے لئے ہیں۔
بلاول بھٹو کا مزید کہنا ہے کہ صحت کی سہولیت فراہم کرنا حکومت کی اولین ذمہ داری ہے اور یہ عوام کا بنیادی حق ہے۔ حکومت عوام کی صحت خطرے میں ڈالنے کے بجائے صحت کے بنیادی حقوق مہیا کرے۔ پی ٹی آئی حکومت ادویات کی قیمتوں میں غیر معمولی 260 فیصد اضافہ کرچکی ہے۔ مریضوں کا بڑا طبقہ ادویات کی مقدار کم کرنے یا علاج بند کرنے پر مجبور ہے۔
