paksahafat پاک صحافت
Related Articles
نارووال (پاک صحافت) احسن اقبال کا کہنا ہے کہ حکومت تحلیل کرنے سے 10 دن پہلے نگراں وزیراعظم کا مشاورت کے ساتھ فیصلہ کریں گے۔
تفصیلات کے مطابق وفاقی وزیر منصوبہ بندی احسن اقبال نے میڈیا سے گفتگو کرتے ہوئے کہا ہے کہ پاکستان کو تباہی کے گڑھے سے نکالا ہے، جس میں چیئرمین پی ٹی آئی پھینک گئے تھے، حکومت نے سخت فیصلے کر کے عالمی مالیاتی حلقوں میں ساکھ کو بحال کیا۔
احسن اقبال کا مزید کہنا تھا کہ ملک کو کسی قسم کی محاذ آرائی کی نہیں یکجہتی کی ضرورت ہے، چیئرمین پی ٹی آئی اپنی سیاست کے نتیجے میں ایکسپوز ہوچکے ہیں۔ نواز شریف آئیں گے اور انتخابی مہم میں حصہ بھی لیں گے، اگلے الیکشن میں ہر جماعت اپنے پلیٹ فارم سے الیکشن لڑے گی۔
انہوں نے کہا کہ جہاں ضروری ہوگا، قیادت کی سطح پر سیٹ ایڈجسمنٹ ہوسکتی ہے، ابھی تک ایسی تجویز زیر غور نہیں ہے کہ پی ڈی ایم کو انتخابی اتحاد میں تبدیل کیا جائے۔ اتحادی جماعتوں کے سربراہان آپس میں اتفاق رائے سے فیصلے کرتے آئے ہیں۔
