paksahafat پاک صحافت
Related Articles
کراچی (پاک صحافت) پاکستان پیپلز پارٹی کے چیئرمین بلاول بھٹو زرداری نےوفاقی حکومت کی کارکردگی پر تنقید کرتے ہوئے عوام کو خبردار کردیا، بلاول بھٹوزرداری نے خبردار کرتے ہوئے کہا کہ پی ٹی آئی حکومت کی ناقص منصوبہ بندی کی وجہ سے آج ملک میں صرف دو سے ڈھائی ہفتوں کی گندم کا ذخیرہ رہ گیا ہے۔
تفصیلات کے مطابق بلاول بھٹوزرداری نے اپنے حالیہ بیان میں مزید کہا کہ اگر گندم کے ختم ہوتے ذخائر کے بحران سے نہیں نمٹا گیا تو ملک میں ایک مرتبہ پھر آٹے کی قلت ہوسکتی ہے، جس طرح گزشتہ برس مئی میں پنجاب میں گندم کی فصل اتری اور جولائی میں ایک کروڑ ٹن سے زائد گندم غائب ہوگئی تھی۔
واضح رہےکہ انہوں نے مزید کہا کہ عمران خان اپنے سرمایہ دار دوستوں سے پوچھیں کہ گندم، افغانستان اسمگل کرکے مصنوعی بحران کیسے پیدا ہوا، یہ وہی گندم پیدا کرنے والا پاکستان ہے جو آج گندم بیرون ملک سے درآمد کر رہا ہے، معیشت کی تباہی کی ایک وجہ یہ ہے کہ زرعی ملک پاکستان کے حکمران کو بدقسمتی سے زراعت کی الف، ب سے بھی واقفیت نہیں۔
