paksahafat پاک صحافت
Related Articles
کراچی (پاک صحافت) پاکستان تحریک انصاف (پی ٹی آئی) کی اتحادی جماعت متحدہ قومی موومنٹ (ایم کیو ایم) پاکستان نے حکومتی پالیسیوں پر عدم اعتماد کا اظہار کردیا۔ اس حوالے سے ایم کیو ایم کے کنوینر خالد مقبول صدیقی نے بھی لائیو شو کےدوران حکومتی پالیسیوں پر تنقید کرتے ہوئے کہا کہ مہنگائی کے معاملے پر حکومت کی سنجیدگی نظر نہیں آئی۔
تفصیلات کے مطابق نجی ٹی وی چینل کے پروگرام میں گفتگو کرتے ہوئے ایم کیو ایم پاکستان کے کنوینر خالد مقول صدیقی نے کہا کہ مہنگائی کے معاملے پر حکومت کی سنجیدگی نظر نہیں آئی، ہماری جماعت پریشان ہے، کچھ روز میں اگلا لائحہ عمل طے کریں گے۔ اس موقع پر انہوں نے یہ بھی کہا کہ نوٹیفکیشن کے معاملے پر بھی پریشان ہوں۔
واضح رہے کہ خالد مقبول صدیقی نے مزید کہا کہ پیج ایک ہے یا نہیں مگر ہم آہنگی میں تو ضرور فرق آیا ہوگا۔ خیال رہے کہ اس موقع پر ق لیگ کے رہنما سینیٹر کامل علی آغا نے بھی حکومت کارکردگی پر عدم اعتماد کا اظہار کیا اور کہا کہ یہ کوئی طریقہ نہیں کہ ڈالر کی قیمت بڑھاتے چلے جائیں، مگر ق لیگ جس سے اتحاد کرتی ہے اسے راستے میں نہیں چھوڑتی۔
