paksahafat پاک صحافت
Related Articles
راولپنڈی (پاک صحافت) حساس اداروں نے جڑواں شہروں میں دہشتگردی کا بڑا منصوبہ ناکام بناتے ہوئے 2 انتہائی مطلوب دہشتگرد گرفتار کرلیا ہے۔
تفصیلات کے مطابق گرفتار دہشتگردوں کا تعلق کالعدم تحریک طالبان کے حاجی فقیر گروپ سے ہے، دہشتگردوں کی شناخت حیات اللہ اور وکیل خان کے نام سے ہوئی ہے۔ دوران تفتیش انکشاف ہوا ہے کہ دہشتگردوں نے خودکش حملہ آوروں کے ساتھ راولپنڈی پولیس لائنز پر حملہ آور ہونا تھا، سی ٹی ڈی کے مطابق تھانہ صدر بیرونی، ڈسٹرکٹ کورٹس، سینیٹ پال چرچ دہشتگردوں کا ٹارگٹ تھے، دہشتگردوں نے کانونٹ سکول، پولیس لائنز اسلام آباد و دیگر حساس مقامات پر تخریبی کارروائیاں کرنا تھیں۔
ذرائع کے مطابق دہشتگردوں نے انکشاف کیا ہے کہ تمام مقامات کی ریکی کرکے تصاویر ٹی ٹی پی کمانڈر افغانستان کو بھجوائی گئی ہیں۔ سی ٹی ڈی پنجاب نے کہا ہے کہ حاجی فقیر گروپ افغانستان سے آپریٹ کررہا ہے، ملزموں کے خلاف مقدمہ درج کرکے مزید تفتیش جاری ہے۔
