paksahafat پاک صحافت
Related Articles
کراچی (پاک صحافت) چیئرمین پیپلزپارٹی بلاول بھٹو نے سندھ میں بارش اور سیلاب سے متاثرہ افراد کو نقد امدادی رقم دینے کا اعلان کیا ہے۔
تفصیلات کے مطابق پیپلزپارٹی کے چیئرمین اور وزیر خارجہ بلاول بھٹو زرداری نے سندھ میں بارش سے متاثرہ علاقوں کا دورہ کیا اور متاثرین کو 25 ہزار روپے امدادی رقم دینے کا اعلان کیا ہے۔ سندھ میں بارش سے متاثرہ علاقوں کا دورہ کرتے ہوئے ان کا کہنا تھا کہ جہاں دیکھیں تباہی ہی تباہی ہے، مشکل گھڑی میں عوام کی مدد کرنی ہے۔
چیئرمین پی پی پی اور وزیر خارجہ بلاول بھٹو کا مزید کہنا تھا کہ بینظیر انکم سپورٹ کے ذریعے 25 ہزار روپے متاثرین کو دی جائے گی۔ جبکہ اگلے مرحلے میں بحالی کا کام کیا جائے گا، انہوں نے کہا کہ وفاقی حکومت سے پہلے بھی درخواست کی تھی اب پھر سے امداد میں اضافے کی ڈیمانڈ ہوگی۔
Short Link
Copied
