paksahafat پاک صحافت
Related Articles
لاہور (پاک صحافت) وفاقی وزیر داخلہ رانا ثناء اللہ نے کہا ہے کہ اسمبلیاں مدت پوری کر کے تحلیل ہوں گی اور نگراں سیٹ اپ آئے گا، نگراں سیٹ اپ کے تحت الیکشن ایک ہی روز اور آئین کے مطابق ہوں گے۔ ن لیگ کا دو ٹوک اور واضح مؤقف ہے کہ الیکشن نگراں سیٹ اپ میں ہونے چاہئیں۔
تفصیلات کے مطابق نجی ٹ وی چینل کے پروگرام میں گفتگو کرتے ہوئے وزیر داخلہ رانا ثناء اللہ نے کہا کہ کوئی فیصلہ ہوا ہی نہیں جس پر تحفظات ہوں یا کسی کو منانا پڑے، سیٹ ایڈجسٹمنٹ یا الیکشن آگے پیچھے کرنے کے حوالے سے کوئی فیصلے نہیں ہوئے۔ انہوں نے یہ بھی کہا کہ نواز شریف ضرور واپس آئیں گے اور ن لیگ کی الیکشن مہم کو لیڈ کریں گے، 9 مئی کے ماسٹر مائنڈ کے خلاف کارروائی ہونی چاہیے، حکومت اس معاملے پر سنجیدہ ہے۔
واضح رہے کہ وزیرِ داخلہ رانا ثناء اللّٰہ نے مزید کہا ہے کہ ماسٹر مائنڈ چیئرمین پی ٹی آئی ہیں، تمام تحقیقاتی اداروں کو میرٹ پر تفتیش کرنی چاہیے۔ ان کا یہ بھی کہنا ہے کہ 9 مئی کے واقعات کی تحقیقات کا عمل جاری ہے، ماسٹر مائنڈ اور سہولت کاروں کے خلاف سائنٹیفک شواہد موجود ہیں۔
