paksahafat پاک صحافت
Related Articles
اسلام آباد (پاک صحافت) وفاقی وزیر جاوید لطیف کا کہنا ہے کہ پنجاب اور خیبر پختو نخوا اسمبلی کے ارکان ہمارے ساتھ رابطے میں ہیں،قوم مستقبل میں عمران خان کا فتنہ اور فساد نہیں چاہتی ہے۔ انہوں نے یہ بھی کہا کہ انتخابات سے بھاگنے والے نہیں ہم بھی صاف اور شفاف الیکشن چاہتے ہیں۔
تفصیلات کے مطابق پریس کانفرنس کرتے ہوئے وفاقی وزیر جاوید لطیف نے کہا کہ عمران خان پنجاب اور خبیر پختو نخوا کے وسائل استعمال کرکے تقرریاں روکنے چاہتے تھے،ابھی تو رنگ روڈ،ڈالر،چینی اور گندم اسیکنڈل بھی سامنے آنے ہیں۔ جاوید لطیف کا کہنا ہے کہ ہم جانتے ہیں کہ عمران خان کو کہاں کہاں سے فنڈنگ ہوئی۔
واضح رہے کہ جاوید لطیف نے پریس کانفرنس کرتے ہوئے مزید کہا کہ قوم مستقبل میں عمران خان کا فتنہ اور فساد نہیں چاہتی۔مشکلات کے باوجود ہر سیاسی جماعت نے آئین اور قانون کی بات کی لیکن عمران خان کے نزدیک آئین اور قانون کی کوئی اہمیت نہیں۔ انہوں نے یہ بھی کہا کہ پنجاب اور خیبر پختو نخوا اسمبلی کے ارکان ہمارے ساتھ رابطے میں ہیں۔
