paksahafat پاک صحافت
Related Articles
ڈیرہ اسماعیل خان (پاک صحافت) فیصل کریم کنڈی کا کہنا ہے کہ ہم جمہوری لوگ ہیں، نہیں چاہتے کہ صوبے میں گورنر راج لگے۔
تفصیلات کے مطابق گورنر خیبرپختونخوا فیصل کریم کنڈی نے پریس کانفرنس سے خطاب کرتے ہوئے کہا ہے کہ کوئی اگر سیاسی طور پر شہید بننا چاہتا ہے تو ایسا نہیں ہونے دوں گا، اپنی نااہلی اور نالائقی چھپانے کے لیے ہمیں ڈھال نہ بنایا جائے۔ ریاست ہر اس شخص سے بات کرنے کو تیار ہوں جو آئین اور قانون کو مانتا ہے لیکن آئین و قانون کو نہ ماننے والے سے بات نہیں ہوگی۔
فیصل کریم کنڈی کا مزید کہنا تھا کہ افغانستان سے مذاکرات کا فیصلہ وفاق نے کرنا ہے، چاہتے ہیں کہ افغان سرزمین پاکستان کے خلاف استعمال نہ ہو۔ خیبرپختونخوا کے حالات سب کے سامنے ہیں۔ جج اغواء ہوا، ماضی میں جو حصہ خیبرپختونخوا کو ملنا تھا وہ نہیں مل سکا، صوبائی حکومت سے کہوں گا پانی کے معاملے پر مل کر کام کریں، میں نے ہمیشہ یہ بات کی خیبرپختونخوا کا مقدمہ وفاق میں لڑنا چاہتا ہوں۔
انہوں نے کہا کہ اس کے لیے ہر سیاسی جماعت کے صوبائی صدر سے ملوں گا اور وفاق کے سامنے اپنے مسائل رکھے جائیں گے، پانی، بجلی اور گیس ہمارے سب سے اہم مسائل ہیں، ان پر وفاق سے بات کی جائے گی۔ پوری کوشش ہوگی اپنے عہدے کے ساتھ انصاف کرسکوں، پارٹی اور صوبے کے عوام کے اعتماد پر پورا اتروں گا، پوری کوشش ہوگی کہ گورنر ہاؤس کبھی کسی سازش کا حصہ نہ بنے۔
