paksahafat پاک صحافت
Related Articles
مظفرآباد (پاک صحافت) راجہ پرویز اشرف کا کہنا ہے کہ آزاد کشمیر کے عام انتخابات میں کامیابی پیپلزپارٹی کی مقدر ہے۔ پی پی الیکشن جیت کر حکومت بنانے میں کامیاب ہوگی۔
تفصیلات کے مطابق سابق وزیراعظم اور پیپلزپارٹی کے رہنما راجہ پرویز اشرف نے کہا ہے کہ آزادکشمیر کے عام انتخابات میں پیپلزپارٹی کامیاب ہو کر اقتدار میں آئے گی۔ پی پی مسئلہ کشمیر کا حل کشمیریوں کی خواہشات کے مطابق چاہتی ہے۔ جس کے لئے جدوجہد جاری ہے۔
راجہ پرویز اشرف کا مزید کہنا تھا کہ پیپلزپارٹی کی چوتھی نسل کشمیریوں کے حقوق کے لئے جدوجہد کررہی ہے۔ نیا پاکستان بنانے والے اب نیا کشمیر بناکر دیں گے۔ انہوں نے کہا کہ مینڈیٹ چوری کرنے سے جمہوریت کا نقصان ہوتا ہے، غیر جمہوری انداز میں مداخلت جمہوری عمل کا قتل ہے۔ یاد رہے کہ پی پی رہنما راجہ پرویز اشرف اس وقت آزاد کشمیر کے دورے پر ہیں۔
Short Link
Copied
