پاک صحافت نائیجیریا کی اسلامی تحریک کے سربراہ اور بزرگ شیعہ عالم دین آیت اللہ شیخ ابراہیم زکزاکی نے دنیا سے یمنی عوام کی حمایت اور سعودی اتحاد کے ہولناک جرائم کے خلاف آواز اٹھانے کی اپیل کی ہے۔
موصولہ رپورٹ کے مطابق آیت اللہ شیخ ابراہیم زکزاکی نے کہا کہ یمن کے خلاف سعودی اتحاد کے پس پردہ حملوں پر عالمی برادری کی خاموشی کا کوئی جواز نہیں ہے۔
یمن پر سعودی عرب کے 7 سالہ حملوں کے نتائج کے حوالے سے آن لائن اجلاس سے خطاب کرتے ہوئے انہوں نے کہا کہ یمن پر سعودی عرب کے مسلسل حملے انسانیت کے خلاف جنگی جرم ہیں۔
نائیجیریا کی اسلامی تحریک کے سربراہ نے کہا کہ حملہ آور سعودی اتحاد کو لگام ڈالنے کا واحد راستہ اس کے خلاف مزاحمت اور جدوجہد ہے۔ انہوں نے امید ظاہر کی کہ وہ دن جلد آئے گا جب یمنی عوام کامیاب ہوں گے جبکہ غاصب سعودی عرب اور اس کے اتحادیوں کو شکست ہوگی۔