paksahafat پاک صحافت
Related Articles
موغادیشو {پاک صحافت} صومالیہ کے دارالحکومت موغادیشو میں فوجی تربیتی کیمپ پر خودکش حملہ ہوا جس کے نتیجے میں درجنوں افراد ہلاک ہو گئے جبکہ متعدد افراد کے زخمی ہونے کی بھی خبریں آ رہی ہیں۔
تفصیلات کے مطابق افریقی ممالک صومالیہ اور نائیجیریا میں مختلف کارروائیوں کے دوران 45 افراد ہلاک ہوگئے، خبررساں اداروں کے مطابق صومالی دارالحکومت موغادیشو میں فوجی تربیتی کیمپ پر خودکش حملے میں 20 افراد ہلاک ہوگئے، جن میں زیادہ تر شہری ہیں۔ مقامی میڈیا کے مطابق حملہ آور نے فوج میں شامل ہونے کے خواہاں نوجوانوں کی قطار پر خودکش حملہ کیا، دھماکے کے بعد سیکورٹی فورسز نے علاقے کا محاصرہ کرلیا اور صرف ایمبولنس کو جانے کی اجازت دی گئی۔
امدادی کارکنوں نے کئی زخمیوں کو موغادیشو کے مدینہ اسپتال منتقل کیا، جہاں چند زخمیوں کی حالت نازک ہونے کے باعث ہلاکتوں میں اضافے کا خدشہ ظاہر کیا جارہا ہے۔
دوسری جانب نائیجیریا میں ہونے والے 2 حملوں میں 25 افراد ہلاک اور کئی زخمی ہوگئے، ذرائع ابلاغ کے مطابق پہلا حملہ بینو صوبے کے علاقے آگاٹو میں ہوا، جس میں 11 افراد مارے گئے، جبکہ دوسرا حملہ صوبہ پلاٹیو کے علاقے باسا میں ہوا جس میں 14 افراد ہلاک اور 5 زخمی ہوگئے۔
یاد رہے کہ اس سے قبل افریقی ملک برکینا فاسو میں فوجی کارروائی میں 25 عسکریت پسند ہلاک ہوگئے تھے۔
