کورونا پابندیوں کے خلاف اٹلی کے تاجروں کا سڑک بلاک احتجاج

یہ احتجاج اس دن کے بعد ہوا جب روم میں پارلیمنٹ کے باہر ہونے والا  احتجاج پر تشدد ہو  گیا تھا جس کے نتیجے میں ایک پولیس افسر زخمی ہواتھا۔ پر تشدد احتجاج کے بعد سات افراد کو گرفتار کیا گیا  تھا۔ اس کے  ایک دن بعد  تاجروں نے کیسرٹا کے قریب موٹروے بند کردی جس کی وجہ سے کئی گھنٹوں تک ٹریفک بلاک رہی۔ حال ہی میں اٹلی میں کووڈ سے وابستہ بندشوں اور دوبارہ کھلنے کا مطالبہ کرنے کے حق میں احتجاج میں شدت آگی ہے  کیونکہ حکومت کی معاشی مدد کے دوسرے مرحلے میں تاخیر ہوئی ہے۔

انہوں نے نعرے لگائے کہ  “ہم کام کرنا چاہتے ہیں” اور “ہم مزید انتظار نہیں کرسکتے”۔ مظاہرین سے شہر کے تاجروں کے کونسلر البرٹو ساکو نے ملاقات کی جس میں  انہوں نے  کہا  کہ وہ ان کے مطالبات حکومت تک  لے کر جائیں گے۔