paksahafat پاک صحافت
Related Articles
نیو یارک (پاک صحافت) جدید ٹیکنالوجی کی مد سے اب بندر بھی کمپیوٹر پر گیم کھیلنے لگے، خیال رہے کہ مستقبل کے لیے نت نئے منصوبوں پر عمل پیرا امریکا کی ارب پتی کاروباری شخصیت اور امریکی ٹیکنالوجی کمپنی ٹیسلا کے سی ای او ایلن مسک کی نئی ایجاد نے دنیا بھر کو ایک بار پھر حیران کر دیا۔ ایلن مسک کی کمپنی (Neuralink) نیورا لنک کی جانب سے متعارف کردہ نئی ٹیکنالوجی دماغ کے لیے بلوٹوتھ سے آراستہ ایک چپ ہے جسے دماغ کے دونوں جانب نصب کیا جاتا ہے۔
تفصیلات کے مطابق ایلن مسک کی ٹیکنالوجی کمپنی کی جانب سے ایک ویڈیو شیئر کی گئی ہے جس میں بندر کو دماغ کا استعمال کرتے ہوئےکمپیوٹر گیم پونگ (pong)کھیلتے دیکھا جاسکتا ہے۔ ویڈیو میں 9 سالہ مکاک(ایک قسم کا لنگور) کو کمپیوٹر میں گیم کھیلتے دیکھا جا سکتا ہے ، کمپنی کے مطابق بندر کے دماغ کے دونوں اطراف ڈیوائسز لگائی گئیں۔ ویڈیو میں بتایاگیا ہے کہ جانور نے اسٹرو (نلکی) کے ذریعے ’بنانا اسموتھی‘ کے لیے کمپیوٹر چلانا سیکھ لیا، ویڈیو میں بندر کو جوائے اسٹک کے ذریعے آن اسکرین کرسر چلاتے بھی دکھایا گیا ہے۔
واضح رہے کہ فی الحال نیورالنک نے مختصر ریسیور کے ذریعے کمپیوٹر سے ابلاغ کرنے والی اور دماغ میں نصب کی جانے والی چپ متعارف کروائی ہے جو اس سے قبل بھی جانوروں میں متعارف کروائی جا چکی ہے۔ رپورٹ کے مطابق نیورا لنک ڈیوائسز بندر کے برین موٹر کارٹیکس میں نصب کیے گئے 2000 الیکٹروڈ کے ذریعے دماغ کی نقل وحرکت کا ریکارڈ رکھتے ہوئے بازو کو منظم کرتا ہے۔ دوسری جانب ایلن مسک نے اپنے ایک پیغام میں کہا ہے کہ جلد انسانوں میں بھی تجربات کا اعلان کیا جائے گا۔
