paksahafat پاک صحافت
Related Articles
لاہور (پاک صحافت) پاکستان مسلم لیگ ن کی نائب صدر مریم نواز نے پاکستان تحریک انصاف (پی ٹی آئی) کو غیرقانونی فارنگ فنڈنگ کرنے پر کڑی تنقید کا نشانہ بناتے ہوئے کہا کہ پارٹی فنڈ کے پیسے ذاتی اکاؤنٹ میں اور عوام کے پیسے ان کی جیبوں میں جاتے رہے۔
تفصیلات کے مطابق مریم نواز نے سوشل میڈیا سائٹ ٹوئٹر پر جاری بیان میں عمران خان پر تنقید کرتے ہوئے کہا کہ ثابت ہوچکا اسپتال کے نام پر مانگے گئے پیسے پارٹی فنڈ میں جاتے رہے۔ مریم نواز کا کہنا ہے کہ یہ اخلاقی، مذہبی طور پر اور قانونی طور پر انتہائی گھناؤنے جرائم ہیں۔
واضح رہ کہ اس سے قبل ن لیگ کی ترجمان مریم اورنگزیب نے بھی جاری بیان میں کہا کہ عمران صاحب نے خیراتی ادارے کو منی لانڈرنگ اور سیاسی مقاصد کیلئے استعمال کیا۔ ان کا کہنا ہے کہ عمران صاحب نے شوکت خانم کے چندے کو سیاسی فنڈز میں بدل کر جرم کیا، فارن فنڈنگ کیس میں 8 والیمز اِسی لئے چھپائے جارہے ہیں۔
