paksahafat پاک صحافت
Related Articles
کراچی (پاک صحافت) پاکستان پیپلز پارٹی کے سینئر رہنما منظور حسین وسان نے ٹرین سے گرے شخص کو بچانے والے پولیس اہلکار جمیل کلہوڑو کے لئے پچاس ہزار روپے دینے کا اعلان کیا ہے۔ ہمیں جمیل کلہوڑو جیسے پولیس اہلکار جوانوں پر فخر ہے۔
تفصیلات کے مطابق وزیراعلیٰ سندھ مراد علی شاہ کے مشیر برائے امور زراعت منظور حسین وسان نے ٹرین سے گرے شخص کوبچانے والے پولیس اہلکار جمیل کلہوڑو کے لیے 50ہزار روپےانعام کا اعلان کرتے ہوئے کہا ہے کہ پولیس اہلکار جمیل کلہوڑو نے ریلوے ٹریک پر شخص کی جان بچائی تھی، جس پر ہم سب کو فخر ہے۔
واضح رہے کہ اس سے قبل وزیراعظم عمران خان نے بھی ٹرین سے گرنے والے نوجوان کی جان بچانے والے کانسٹیبل جمیل احمد کلہوڑو کو ایوارڈ سے نوازنے کا اعلان کیا تھا۔ خیال رہے کہ وزیر اعظم نے کانسٹیبل کی پُھرتی کی داد دیتے ہوئے ان کی ویڈیو بھی شیئر کی۔
