paksahafat پاک صحافت
Related Articles
اسلام آباد (پاک صحافت) سید خورشید شاہ کا کہنا ہے کہ پی ٹی آئی چیئرمین عمران خان کی جانب سے لی جانے والی ممنوعہ فنڈنگ سے متعلق الیکشن کمیشن کا فیصلہ خوش آئند ہے۔
تفصیلات کے مطابق وفاقی وزیر اور پیپلزپارٹی کے رہنما سید خورشید شاہ نے پریس کانفرنس سے خطاب کرتے ہوئے کہا ہے کہ عمران خان کو پہلے علم ہو جاتا ہے کہ ان کیخلاف کیا ہونے والا ہے، وہ فیصلہ آنے سے قبل ہی اسے متنازعہ بنانے کی کوشش کرتے ہیں۔
سید خورشید شاہ کا مزید کہنا تھا کہ ممنوعہ فنڈنگ سے متعلق الیکشن کمیشن کا فیصلہ خوش آئند ہے، پنجاب میں الیکشن سے پہلے ہی دھاندلی کا شور مچانا شروع کردیا تھا۔ چیف الیکشن کمشنر کا تقرر عمران خان کی مشاورت سے ہوا تھا، سابق دور حکومت میں معیشت بری طرح متاثر ہوئی، سیاستدانوں کو قوم کے سامنے سچ بولنا چاہیے، عمران خان کو ضمنی الیکشن ہارنے کا خوف تھا، پہلے ہی الزام لگانا شروع کردیا۔
