paksahafat پاک صحافت
Related Articles
اسلام آباد (پاک صحافت) وفاقی وزیر قانون اعظم نذیر تارڑ نے کہا ہے کہ عمران خان کا سیاست میں رہنے کا اب کوئی جواز نہیں۔ انہوں نے کہا کہ سیاسی جماعتوں کو پابند کیا گیا ہے کہ وہ آمدن کے ذرائع بتائیں، عمران خان نے فیصلے کوموخرکرنے کے لیے 9 وکیل تبدیل کیے۔
تفصیلات کے مطابق وفاقی وزیر قانون اعظم نذیر تارڑ نے اپنے بیان میں کہا ہے کہ 8 سال بعد الیکشن کمیشن نے ممنوعہ فنڈنگ کیس کا فیصلہ دیا، کیس میں9 وکیل بدلے گئے، فیصلے پرای سی کو خراج تحسین پیش کرتے ہیں، فیصلہ صادر ہو گیا کہ عمران خان کی منی ٹریل قانون کے خلاف ہے۔
واضح رہے کہ اعظم نذیر تارڑ نے مزید کہا کہ عمران خان کا سیاست میں رہنے کا اب کوئی جواز نہیں، جواز بنائیں گے بھی تو پاکستان کا قانون ایسا کرنے نہیں دے گا، عمران خان نے جو ڈیکلریشن جمع کرایا وہ غلط اور جھوٹا قرار دیا گیا، پاکستان کے آئینی ادارے نے آپ کی رسیدوں اور منی ٹریل کے خلاف فیصلہ دے دیا۔
