paksahafat پاک صحافت
Related Articles
اسلام آباد (پاک صحافت) گزشتہ دو سالوں سے ملک بھر میں کورونا وائرس کی وجہ سے مختلف پابندیاں عائد کی گئی تھیں، لیکن اب ان تمام پابندیوں کو ختم کرنے کا اعلان کیا گیا ہے۔
تفصیلات کے مطابق وفاقی وزیر منصوبہ بندی اسد عمر نے نیوز بریفنگ میں کورونا پابندیاں ختم کرنے کا اعلان کیا ہے۔ انہوں نے کہا کہ ویکسین لگوانے کی پابندی برقرار رہے گی، کیونکہ کورونا ابھی مکمل طور پر ختم نہیں ہوا، ہوسکتا ہے پابندیاں ختم کرنے سے وبا میں کچھ اضافہ ہو۔
اسد عمر کا مزید کہنا تھا کہ عوام نے این سی او سی کی ہدایات پر بہت حد تک عمل کیا، لہذا جتنی پابندیاں لگائی تھیں وہ ختم کی جارہی ہیں، شادی کی تقریبات، مارکیٹس، بازاروں، آؤٹ ڈور ایونٹس، کھیلوں کی سرگرمیوں، مذہبی اجتماعات پر لگی تمام پابندیاں ختم کر رہے ہیں۔ انہوں نے کہا کہ پاکستان میں کورونا وبا کا پھیلاؤ کم ہو رہا ہے اور کورونا کیسز میں مسلسل کمی آر ہی ہے۔
