paksahafat پاک صحافت
Related Articles
اسلام آباد (پاک صحافت) فیصل کریم کنڈی کا کہنا ہے کہ عمران خان اور ان کے ساتھی اداروں کے خلاف پروپیگنڈا کرنے کی بجائے عدالتوں کا سامنا کریں۔
تفصیلات کے مطابق پیپلزپارٹی کے مرکزی سیکرٹری اطلاعات فیصل کریم کنڈی نے پریس کانفرنس سے خطاب کرتے ہوئے کہا ہے کہ ہماری پارٹی اور پی پی قیادت نے عدالتوں کا سامنا کیا، بی بی نے شہادت کو قبول کیا مگر جلاوطنی سے انکار کیا۔ شہباز گل کو عدالتوں کا سامنا کرنا چاہیے، ہم اپنے اداروں کا احترام کرتے ہیں۔
فیصل کریم کنڈی کا مزید کہنا تھا کہ وزیراعظم پاکستان شہباز شریف کے مشکور ہیں جنہوں نے ڈیرہ کے لیے انٹرنیشنل ایئرپورٹ کی منظوری دی۔ پی ٹی وی بیورو آفس، پی آئی اے بکنگ آفس، بینظیر اِنکم سپورٹ ریجنل آفس، پی آئی ڈی آفس ہم نے دوبارہ ڈیرہ منتقل کیا۔ انہوں نے کہا کہ سیلاب زدگان کے لیے ہر ممکن مدد اور مالی امداد دینے کے لیے مرکزی حکومت ریلف دینے میں مصروف ہے۔
