paksahafat پاک صحافت
Related Articles
اسلام آباد (پاک صحافت) تحریک انصاف کے سابق رہنما عثمان ترکئی پیپلز پارٹی میں شامل ہوگئے ہیں۔
تفصیلات کے مطابق تحریک انصاف کے سابق رہنما عثمان ترکئی نے پریس کانفرنس سے خطاب کرتے ہوئے کہا ہے کہ پیپلزپارٹی نے کھلے دل سے مجھے قبول کیا۔ میرے بڑے بھائی نے ذوالفقار علی بھٹو کے ہمراہ پیپلزپارٹی جائن کی تھی، اپنے سیاسی کیریئر میں 26 سال پیپلزپارٹی میں رہا، آج اپنے گھر واپس آگیا ہوں۔
اس موقع پر گفتگو کرتے ہوئے پیپلزپارٹی کے رہنما فیصل کریم کنڈی کا کہنا تھا کہ پیپلز پارٹی میں شامل ہونے والوں کو خوش آمدید کہتے ہیں، پارٹی میں شامل ہونے والوں کو عزت و احترام کی نظر سے دیکھتے ہیں۔ ہماری پارٹی اپنے کارکنوں کی قدر کرتی ہے۔
انہوں نے کہا کہ عمران خان نے قوم کو گمراہ کیا، اب تو پی ٹی آئی زمان پارک تک محدود ہو کر رہ گئی۔ 9 مئی کے واقعات کی جتنی مذمت کی جائے کم ہے۔ عمران خان کو اپنے کارکنان سے معافی مانگنی چاہئے۔
