paksahafat پاک صحافت
Related Articles
اسلام آباد (پاک صحافت) حج 2024 کے لیے پاکستانی عازمین 3 پروازوں کے ذریعے سعودی عرب پہنچے ہیں۔
تفصیلات کے مطابق حج 2024 کے مناسک کے لیے 3 پروازیں 530 پاکستانی مسافروں کو لے کر مدینہ منورہ پہنچیں۔ کراچی سے 2 پروازیں 179 اور 151 پاکستانی عازمین کو لے کر مدینہ پہنچیں جبکہ تیسری پرواز جو 200 عازمین کو لے کر اسلام آباد سے روانہ ہوئی وہ بھی سعودی عرب پہنچی۔
پاکستانی عازمین حج کا مدینہ ایئرپورٹ پر سعودی عرب میں پاکستانی سفیر احمد فاروق، ڈی جی حج عبدالوہاب سومرو، ڈائریکٹر حج مدینہ ضیاء الرحمان اور ڈائریکٹر فیسیلیٹیشن اینڈ کوآپریشن احمد ندیم نے استقبال کیا۔ آج سے شروع ہونے والا فلائٹ آپریشن 10 جون 2024 تک جاری رہے گا۔
ترجمان کے مطابق پی آئی اے رواں سال پاکستان کے 8 شہروں سے جدہ اور مدینہ کے لیے براہ راست پروازیں چلا رہی ہے جن میں اسلام آباد، کراچی، لاہور، پشاور، ملتان، کوئٹہ، سیالکوٹ اور سکھر شامل ہیں۔
فلائٹ آپریشن کا اعلان کرتے ہوئے، پی آئی اے کے ترجمان نے زور دے کر کہا کہ قومی ایئر لائن 09 مئی سے 10 جون 2024 تک 170 پروازوں کے ذریعے تقریباً 34,000 عازمین حج کو سہولت فراہم کرے گی۔
