paksahafat پاک صحافت
Related Articles
اسلام آباد (پاک صحافت) پی ٹی آئی حکومت کی نااہلی اور نالائقی کی وجہ سے ملک بھر میں مہنگائی دن بدن بڑھتی جارہی ہے۔ اب حکومت نے پیٹرول مزید چار روپے فی لیٹر مہنگا کردیا ہے۔
تفصیلات کے مطابق سال نو کے موقع پر اوگرا کی طرف سے پیٹرول 3 روپے 2 پیسے اور ڈیزل 4 روپے 53 پیسے فی لیٹر مہنگا کرنےکی سمری آئی تھی۔ وفاقی حکومت کی جانب سے سمری کو منظور کرتے ہوئے پیٹرولیم مصنوعات کو مہنگی کرنے کا اعلان کیا ہے۔
ذرائع پیٹرولیم ڈویژن کا کہنا ہےکہ عالمی مارکیٹ کے مطابق اضافہ صارفین کو منتقل کیا گیا ہے، پیٹرول اور ڈیزل پرجتنی جتنی لیوی بڑھائی گئی تقریباً اتنا جی ایس ٹی کم کردیا گیا ہے۔ خیال رہے کہ نئے سال کے شروع ہوتے ہی متعدد اشیاء کی قیمتوں میں اضافے سے عام شہریوں کی مشکلات اور تشویش میں مزید اضافہ ہوا ہے۔
Short Link
Copied
