paksahafat پاک صحافت
Related Articles
لاہور (پاک صحافت) سراج الحق کا کہنا ہے کہ پی ٹی آئی حکومت نے ریاست مدینہ کے تصور کے برعکس اقدامات کرکے ریاست مدینہ کے نام کو بدنام کیا ہے، حکومتی نعرے اور دعوے سبز باغ ثابت ہوئے۔
تفصیلات کے مطابق امیر جماعت اسلامی سراج الحق نے کہا ہے کہ پی ٹی آئی حکومت نے معیشت کو آئی ایم ایف اور معاشرہ کو مغربی این جی اوز کے حوالے کردیا، ایٹمی اسلامی پاکستان کے عوام عالمی مالیاتی اداروں کے غلام بنا دیے گئے ہیں۔ حکمرانوں نے اسلام کی بجائے امریکا کا پرچم تھاما ہوا ہے، قومی سلامتی کے مشیر نے خود اعتراف کیا کہ ہم واشنگٹن کے غلام ہیں۔
سراج الحق کا مزید کہنا ہے کہ حکومتی کشتی سیاسی بھنور میں ہے، اتحادی اپوزیشن سے اور اپوزیشن حکومت کا ساتھ دے رہی ہے۔ انہوں نے کہا کہ حکمران طبقے کی لڑائیاں مفادات کے تحفظ اور دودھ کے فیڈر کے لیے ہیں، حکمران طبقہ بری طرح ایکسپوز ہوگیا ہے۔
