paksahafat پاک صحافت
Related Articles
اسلام آباد (پاک صحافت) وزیر خارجہ بلاول بھٹو نے ایرانی ہم منصب ڈاکٹر امیر عبداللہیان سے ایک اہم ملاقات کی ہے جس میں بلوچستان میں لگی آگ کو بجھانے میں تعاون پر ایران کا شکریہ ادا کیا ہے۔
تفصیلات کے مطابق چیئرمین پیپلزپارٹی اور وزیر خارجہ بلاول بھٹو کی عالمی اقتصادی فورم کے موقع پر ایرانی ہم منصب امیر عبداللہیان سے ملاقات ہوئی ہے۔ ملاقات میں دو طرفہ برادرانہ تعلقات، باہمی دلچسپی کے شعبوں میں تعاون کو وسعت دینے کے عزم کا اظہار کیا گیا۔
ذرائع کے مطابق وزیر خارجہ بلاول نے بلوچستان کے جنگل میں لگی آگ بجھانے کیلئے طیارہ بجھوانے پر ایرانی ہم منصب کا شکریہ ادا کیا۔ وزیر خارجہ بلاول بھٹو نے کشمیر کاز کے لیے ایران کی حمایت کو سراہا اور کہا کہ دونوں ملکوں کے درمیان تجارت، اقتصادی تعاون کے بے پناہ مواقع موجود ہیں۔
Short Link
Copied
