paksahafat پاک صحافت
Related Articles
کراچی (پاک صحافت) سندھ اسمبلی کے اسپیکر آغا سراج درانی نے قومی احتساب بیورو (نیب) پر کڑی تنقید کرتے ہوئے کہا ہے کہ نیب کا ادارہ فیل ہو چکا ہے، اسے ختم ہو جانا چاہیے لیکن دیکھیں کیا ہوتا ہے۔
تفصیلات کے مطابق احتساب عدالت میں پیشی کے موقع پر غیر رسمی گفتگو کے دوران اسپیکر سندھ اسمبلی آغا سراج درانی نے کہا کہ میرے سب جیل میں ہوتے ہوئے پروٹوکول لینے کی بات غلط ہے۔ اس موقع پر انہوں نے یہ بھی بتایا کہ متعلقہ عدالت کی جج ریٹائر ہو چکی ہیں، اب کیس کی سماعت کے لیے 22 دسمبر کی تاریخ ملی ہے۔
واضح رہے کہ آغا سراج درانی نے کہا کہ 4 برس ہو گئے لیکن میرے خلاف کیس میں اب تک کوئی پیش رفت نہیں ہوئی ہے۔ آغا سراج درانی کا یہ بھی کہنا ہے کہ میں سمجھتا ہوں کہ ایڈمنسٹریٹر کراچی کے لیے ڈاکٹر سیف الرحمٰن بہتر انتخاب ہیں۔
Short Link
Copied
