paksahafat پاک صحافت
Related Articles
صنعاء (پاک صحافت) یمن آئل کمپنی کے ترجمان کا کہنا ہے کہ سعودی اتحاد یمنی بندرگاہوں پر ایندھن لے جانے والے بحری جہازوں کی آمد کو روکے رہا ہے۔ اقوام متحدہ کو اس معاملے پر غیرنبدار رہنا چاہئے۔
تفصیلات کے مطابق یمن آئل کمپنی کے ترجمان عصام متوکل نے کہا ہے کہ اگر تیل بردار بحری جہاز باقاعدگی سے یمن کی بندرگاہوں میں داخل ہوں اور سعودی اتحاد کے قبضے میں نہ آئیں تو یمن میں ایندھن کا بحران پیدا نہیں ہوگا۔ یمن میں ایندھن کے حالیہ بحران نے اقوام متحدہ کے نمائندے کے جھوٹے دعوؤں کو بے نقاب کردیا ہے۔
عصام متوکل کا مزید کہنا ہے کہ جارح سعودی اتحاد نے یمن کو تیل سے ماخوذ اشیاء کی درآمد کو روکنے کے لیے متعدد اقدامات اور رکاوٹیں کھڑی کی ہیں۔ سعودی اتحاد نے یمنی جہازوں کو قبضے میں لینے سے انکار کرتے ہوئے مجبورا انہیں یمن میں داخل ہونے کی اجازت دی ہے۔ انہوں نے کہا کہ سعودی اتحادی میں شامل ممالک یمن کی ناکہ بندی کے لیے کرائے کے فوجیوں کو ایک ہتھیار کے طور پر استعمال کرتے ہیں۔ اقوام متحدہ یمن کے معاملے کو جارح ممالک کے ساتھ الجھانے کے بجائے غیرجانبداری کے ساتھ اس مسئلے کو حل کرے۔
