paksahafat پاک صحافت
Related Articles
اسلام آباد (پاک صحافت) مسلم لیگ ن کے رہنما شیخ روحیل اصغر نے دعوی کیا ہے کہ نواز شریف جلد وطن واپس آئیں گے۔ آئندہ الیکشن سے قبل ان کی واپسی یقینی ہے۔
تفصیلات کے مطابق مسلم لیگ ن کے رہنما شیخ روحیل اصغر نے نجی ٹی وی چینل کے ساتھ گفتگو کرتے ہوئے کہا ہے کہ ملک میں الیکشن ہونے والے ہیں، نواز شریف جلد واپس آئیں گے۔ مسلم لیگ ن میں ووٹ سپورٹ اور حمایت نواز شریف کی ہے، اور خود شہباز شریف کی ہر بات کا اختتام بھی نواز شریف کے نام پہ ہی ہوتا ہے۔
رہنما مسلم لیگ ن شیخ روحیل اصغر کا مزید کہنا تھا کہ نواز شریف کے واپس نہ آنے کی باتیں ماضی میں بھی بہت ہوتی رہی ہیں۔ شریف خاندان میں کوئی اختلاف نہیں ہے اور رکھ رکھاؤ بہت ہے، کسی رائے کی اختلاف کو خاندانی اختلاف کا نام نہیں دیا جا سکتا۔ انہوں نے کہا کہ شہباز شریف ایک دھیما چلنے والے انسان ہیں، اور جارحانہ پُرتشدد اختلافات نہیں چاہتے جبکہ نواز شریف کو مائنس کرنے کی خواہش کرنے والے خود نامراد ہی رہیں گے۔ مریم نواز اور شہباز شریف بات ایک ہی کرتے ہیں، ان میں صرف لہجوں کا فرق ہے۔
