paksahafat پاک صحافت
Related Articles
اسلام آباد (پاک صحافت) قومی ادارہ برائے صحت ’این آئی ایچ ‘ کے ترجمان نے کہا ہے کہ کورونا وائرس کے نئے ویرینٹ ایکس بی بی کی پاکستان میں موجودگی کی خبر درست نہیں ہے۔ ترجمان این آئی ایچ کے مطابق کچھ علاقوں میں رپورٹ ہونے والا ایکس بی بی ویرینٹ پرانا ہےاور یہ اومی کرون ہے۔
تفصیلات کے مطابق قومی ادارۂ برائے صحت کے ترجمان کا کہنا ہے کہ پاکستان میں رپورٹ ہونے سے اب تک اومی کرون ویرینٹ کے 29 کیسز سامنے آئے ہیں۔ این آئی ایچ کے مطابق یہ کورونا وائرس کا بی ایف 7 ویرینٹ نہیں ہے جو ہمسایہ ممالک میں رپورٹ ہو رہا ہے۔
واضح رہے کہ قومی ادارۂ برائے صحت کے ترجمان کا یہ بھی کہنا ہے کہ پاکستان میں بی ایف 7 ویرینٹ کا کوئی کیس سامنے نہیں آیا ہے۔ یاد رہے کہ اس سے قبل یہ خبر سامنے آئی تھی کہ چین میں پائے جانے والے کورونا وائرس کے نئے ایکس بی بی ویرینٹ کی پاکستان میں تصدیق ہو گئی ہے۔
