paksahafat پاک صحافت
Related Articles
لاہور (پاک صحافت) شہباز شریف کا کہنا ہے کہ پی ٹی آئی حکومت کی جانب سے میڈیا اور عوام پر کالے قانون اور سیاہ مہنگائی کا ستم کیا جارہا ہے۔ جو اب مزید قابل برداشت نہیں۔
تفصیلات کے مطابق مسلم لیگ ن کے صدر اور قومی اسمبلی میں اپوزیشن لیڈر شہباز شریف نے کہا ہے کہ آئی ایم ایف اور عوام کو خوش کرنے کے لئے آئی ایم ایف کو چکر دیا جا رہا ہے، دعا ہے عمران نیازی پیٹرول اور بجلی کی قیمت میں پیکج پر آنے والے دنوں میں یوٹرن نہ لیں۔
شہباز شریف کا مزید کہنا ہے کہ ملک میں ڈیزل کے بحران کا خدشہ تشویشناک ہے، مہنگائی 24 ماہ کی بلند ترین سطح پر پہنچ چکی ہے، تاریخ میں اتنا قرض کسی حکومت نے پاکستانیوں پر نہیں لادا جتنا تین سال میں لادا گیا ہے۔ انہوں نے کہا کہ بینکوں کو آئل درآمد کرنے والی کمپنیوں کو ایل سی کھولنے میں ہچکچاہٹ سے ملک میں تیل کا بحران پیدا ہوسکتا ہے، ملک میں ڈیزل کے بحران کا خدشہ تشویشناک ہے، مہنگائی 24 ماہ کی بلند ترین سطح پر پہنچ چکی ہے۔
