paksahafat پاک صحافت
Related Articles
پشاور (پاک صحافت) جمعیت علمائے اسلام نے مرکزی مجلسِ عاملہ کا اجلاس 26 اپریل کو طلب کر لیا۔ ذرائع کے مطابق جے یو آئی کے ترجمان اسلم غوری نے کہا ہے کہ اجلاس 3 سے 4 دن جاری رہ سکتا ہے۔
تفصیلات کے مطابق جے یو آئی ترجمان اسلم غوری نے بتایاکہ اجلاس میں موجودہ سیاسی صورتِ حال اور عدالتی سطح پر پیدا کردہ بحران کے عوامل پر غور کیا جائے گا۔ ترجمان کا کہنا ہے کہ اجلاس میں موجودہ حالات کے حوالے سے مضبوط جماعتی مؤقف طے کیا جائے گا۔
واضح رہے کہ جمعیت علمائے اسلام (جے یو آئی) کے ترجمان اسلم غوری نے جاری بیان میں مزید بتایا کہ اجلاس میں کے پی سمیت ملک بھر میں امن وامان کی صورتِ حال پر غور ہو گا۔
Short Link
Copied
