paksahafat پاک صحافت
Related Articles
کراچی (پاک صحافت) مرتضی وہاب کا کہنا ہے کہ ملک کو درپیش موجودہ مسائل اور بحران سے نکالنے کے لئے ہم سب کو اپنا اپنا مثبت کردار ادا کرنا ہوگا جس کے بغیر مسائل حل نہیں ہوسکتے۔
تفصیلات کے مطابق پیٹرولیم مصنوعات کی بڑھتی قیمتوں کے پیش نظر ایڈمنسٹریٹر کراچی بیرسٹر مرتضیٰ وہاب نے کراچی میٹرو پولیٹن کارپوریشن (کے ایم سی) افسران کے پیٹرول میں 40 فیصد کٹوتی کرنے کا اعلان کیا ہے۔ کراچی میٹروپولیٹن کارپوریشن کے افسران کا پیٹرول کم کرنے کا نوٹیفکیشن بھی جاری کر دیا گیا۔
مرتضی وہاب کا کہنا ہے کہ کے ایم سی کی سروسز وہیکل کے پیٹرول میں کوئی کٹوتی نہیں کی جائے گی، یہ اقدام مہنگائی کی شرح اور پیٹرولیم مصنوعات کی قیمتوں کو مد نظر رکھ کرکیا۔ انہوں نے کہا کہ پوری قوم کو کفایت شعاری کو فروغ دینا ہوگا، ملک کو مسائل سے نکالنے کے لیے ہم سب کو کوششیں کرنا ہوں گی۔
Short Link
Copied
