paksahafat پاک صحافت
Related Articles
لاہور (پاک صحافت) مریم اورنگزیب کا کہنا ہے کہ قوم عمران خان کو مسلط کرنے کے نتائج بھگت رہی ہے۔
تفصیلات کے مطابق مسلم لیگ (ن) کی ترجمان مریم اورنگزیب نے سماجی رابطے کی ویب سائٹ پر ایک بیان جاری کرتے ہوئے کہا ہے کہ عوام کو بجلی کے جو مہنگے بل موصول ہو رہے ہیں وہ عمران خان کو جبری طور پر مسلط کرنے کا نتیجہ ہیں۔
مریم اورنگزیب کا مزید کہنا ہے کہ قوم کو ان سب کرداروں کو آج کٹہرے میں کھڑا کرنا چاہئے۔ پاکستان آئی ایم ایف کو خیر باد کہنے کے بعد آئی ایم ایف گیا، معاہدے کی خلاف ورزی کر کے ڈیفالٹ کے کنارے پہنچایا گیا۔ معاشی تباہی ہوئی اور مہنگائی نے غریبوں کا جینا حرام کیا۔
انہوں نے کہا کہ نوازشریف کے دور میں آٹے، گھی اور چینی مہنگی نہیں ہوئیں۔ سستی روٹی تھی، معاشی ترقی 6.1 فیصد تھی، سی پیک آیا، دہشت گردی ختم ہوئی۔ قوم کو بل جلاتے ہوئے یہ سوال ضرور کرنا چاہئے کہ ترقی کے سفر کو کس نے جلایا۔
