paksahafat پاک صحافت
Related Articles
لاہور (پاک صحافت) پنجاب میں فوجی املاک پر حملہ کرنے والے4 ہزار 120شرپسندوں میں سے 2 ہزار 290 کی شناخت ہوگئی ہے۔ ذرائع کے مطابق اب تک ایک ہزار 181حملہ آور گرفتار کئے جا چکے ہیں جبکہ دیگر ملزمان مفرور ہیں۔
تفصیلات کے مطابق جناح ہاؤس لاہور پر حملہ کرنے والے 1800 شرپسندوں میں سے ایک ہزار 125کی شناخت ہو چکی ہے اور 513 شرپسند گرفتار کیے جاچکے ہیں۔ رپورٹ میں بتایا گیا ہےکہ عسکری ٹاور پر ایک ہزارشرپسندوں نے حملہ کیا جن میں سے 121کی شناخت ہو چکی ہے۔ عسکری ٹاور پر حملہ کرنے والوں میں سے 81 ملزمان کو گرفتار کیا جا چکا ہے۔ راولپنڈی میں جی ایچ کیو پر 300 شرپسندوں نے حملہ کیا، 158 کی شناخت ہوئی اور 109 گرفتار ہیں، حمزہ کیمپ پر 150 شرپسندوں نے حملہ کیا جن میں سے 95 کی شناخت ہوسکی اور77 گرفتار ہیں۔
واضح رہے کہ پولیس ریکارڈ کے مطابق پی اے ایف بیس میانوالی میں 177 حملہ آوروں میں سے 152 شناخت ہو چکے ہیں جن میں سے 103 گرفتار ہیں،گوجرانوالہ کینٹ میں 400 افراد نے حملہ کیا جن میں سے 346 کی شناخت ہوئی اور 172 گرفتار ہیں۔ اسی طرح فیصل آباد میں حساس ادارے کے دفتر پر 300 شرپسندوں نے حملہ کیا اور 192 شناخت ہوئے اور اب تک 112 گرفتار کیے جا چکے ہیں۔
