paksahafat پاک صحافت
Related Articles
لاہور (پاک صحافت) پاکستان مسلم لیگ ن کی مرکزی ترجمان مریم اورنگزیب نے وزیر اعظم عمران خان کو آڑے ہاتھوں لیتے ہوئے کہاکہ عمران صاحب! گھبرانے کا نہیں، اب گھر جانے کا وقت ہے۔چار سال میں عوام کے لئے کچھ کیا ہوتا تو نواز شریف اور شہباز شریف کو نہ کرنا پڑتا، نواز شریف مسکراتا رہے گا، عمران صاحب روتے رہیں گے۔
تفصیلات کے مطابق مریم اورنگزیب نے وزیر اعظم کی گفتگو پر ردعمل کا اظہار کرتے ہوئے کہاکہ عمران صاحب نے آج عوام سے گفتگو نہیں بلکہ نوکری میں توسیع کی درخواست تھی۔ان کا کہنا تھا کہ ایک ہارے ہوئے، مایوس، نالائق اور چور ثابت ہوجانے والے شخص کے جذبات کا اظہار تھا۔ مریم اورنگزیب نے کہا کہ نواز شریف اور شہباز شریف نے قوم کی دعائیں لیں، عمران صاحب نے بددعائیں لیں۔
واضح رہے کہ مریم اورنگزیب نے جاری بیان میں مزید کہاکہ روئیں، چیخیں، پٹیں جو مرضی کہیں، عمران صاحب گھر جانے کا وقت ہو گیا ہے۔ انہوں نے وزیر اعظم کو مخاطب کرتے ہوئے کہاکہ عمران صاحب بہت نواز شریف اور شہباز شریف ہوگیا، اب گھر جائیں۔ روئیں، چیخیں، پٹیں جو مرضی کہیں، عمران صاحب گھر جانے کا وقت ہو گیا ہے۔
