paksahafat پاک صحافت
Related Articles
اسلام آباد (پاک صحافت) وفاقی وزیر داخلہ رانا ثناء اللہ نے کہا ہے کہ عمران خان کے خلاف کارِ سرکار میں مداخلت اور توڑ پھوڑ کے دو مقدمات درج کرلیے گئے۔ ان کا کہنا تھا کہ جے آئی ٹی 14 روز میں اپنی رپورٹ پیش کرے گی۔
تفصیلات کے مطابق وزیر داخلہ رانا ثناء اللہ نے اسلام آباد میں پریس کانفرنس کرتے ہوئے کہا کہ چیئرمین تحریک انصاف عمران خان نے مسلح جتھوں کے ساتھ جوڈیشل کمپلیکس پر 28 فروری کو حملہ کیا، توڑ پھوڑ کی۔ ان کا کہنا تھا کہ 18 مارچ کو بھی اسلام آباد ہائی کورٹ میں بھی مسلح جتھے لائے اور توڑ پھوڑ کی۔
واضح رہے کہ پریس کانفرنس کے دوران وزیر داخلہ نے مزید کہا کہ کارِ سرکار میں مداخلت اور توڑ پھوڑ کے دو مقدمات درج کرلیے گئے ہیں جبکہ انکوائری کےلیے مشترکہ تحقیقات ٹیم (جے آئی ٹی) بنادی گئی ہے۔ ان کا کہنا تھا کہ جے آئی ٹی 14 روز میں اپنی رپورٹ پیش کرے گی۔
