paksahafat پاک صحافت
Related Articles
فیصل آباد (پاک صحافت) رانا ثناءاللہ کا کہنا ہے کہ عمران خان کو الیکشن کو مینج کرکے لایا گیا۔
تفصیلات کے مطابق مسلم لیگ ن کے رہنما اور سابق وزیر داخلہ رانا ثناءاللہ نے نجی چینل میں گفتگو کرتے ہوئے کہا ہے کہ 2018 کے الیکشن کو مینج کیا، عمران خان کو وزیراعظم بنایا گیا۔ وہ پراجیکٹ مطلوبہ نتائج نہیں دے سکا بلکہ لانے والوں کئے گلے پڑ گیا۔
رانا ثناءاللہ کا مزید کہنا تھا کہ سابق چیئرمین پی ٹی آئی کو الیکشن کو مینج کرکے لایا گیا، اس کے بعد اس کو گرانے کا پراجیکٹ شروع ہوا، عمران خان کے مقدمات کو جس طرح چلایا گیا وہ غلط تھا۔ عمران خان کو ایک ہفتے کے اندر تین مقدمات میں دی جانے والی سزائیں ہمیں ہروانے کیلئے دی گئیں۔
انہوں نے کہا کہ یہ کیسز کسی بھی جج کے پاس جائیں گے تو وہ تمام کیسز میں عمران خان کو بری کردے گا۔ انہوں نے بشری بی بی کے کھانے میں زہر ملانے کے معاملے کی بھی تحقیقات کا مطالبہ کر چکے ہیں۔
