paksahafat پاک صحافت
Related Articles
لاہور (پاک صحافت) احسن اقبال کا کہنا ہے کہ عمران خان نے اب تک کوئی الیکشن سہولت کاروں کے بغیر نہیں جیتا ہے۔
تفصیلات کے مطابق مسلم لیگ ن کے رہنما اور وفاقی وزیر احسن اقبال نے کہا ہے کہ عمران خان نے جمہوری نظام کو نقصان پہنچانے کیلئے صوبائی اسمبلیاں توڑیں۔ اپنی 2 حکومتیں کسی جذبے کے تحت ختم نہیں کی تھیں، سازش کے تحت اسمبلیاں تحلیل کیں۔
احسن اقبال کا مزید کہنا تھا کہ عمران خان نے خود جنرل باجوہ کے کہنے پر حکومتیں توڑنے کا اعتراف کیا۔ پاکستان میں کسی قسم کا جمہوری بحران نہیں، صرف ایک شخص کی انا اور ضد کا بحران ہے۔ چاروں صوبائی اور قومی اسمبلیوں کے انتخابات ایک ہی روز ہونے چاہئیں، 1997 سے آج تک قومی و صوبائی اسمبلیوں کے الیکشن ایک ہی روز ہوتے ہیں۔
انہوں نے کہا کہ عمران خان نے آج تک کوئی الیکشن سہولت کاروں کے بغیر نہیں جیتا۔ ایک مخصوص جماعت کے فیصلوں کو ملک پر مسلط نہ کیا جائے۔ الیکشن سے بھاگ نہیں رہے، قومی و صوبائی اسمبلیوں کو مدت پوری کرنی چاہئے۔
